Lawmtlak rawngbawlna

Nawmsaknate zawngin i tlan thin maw? Nun hlimnate zawngin i tlan thin maw? I ngaihtuah chiang ngai em, i kawng zawh kha? Boralna kawng nge, nunna kawng zawk? Lei hlimna mai mai maw i lo buaipui thin, Reilo tea hlimna i zawn ruai mai le, Ngaihtuah chiang la i nun kha, Hun tha a liam mek hi. Dawn chiang la, han hawi vel teh, Krista pasaltha an ram mut mek saw; I buaipui ve kha zawng a nep em mai, Buaipui tham Isua hi lo zui ta che. Kristian thalaite u, ngaihtuah chiang r'u, Rawngbawlna hi kawrah mai kan hmang em? I thiltih zawng zawng kha ngaihtuah chiang la, Van Lal Pathian lung a awi ang'em? Sualin a hliam mek te i tuam dam sak em? Sual nghawngkawla tang te i chhuah zalen em? I hmangaihna avangin chhingmittui a far em? Aw unau, i sengkhawm em? Lalpa hmangaihte an boral mek saw; I hmangaih lo vem ni an liam zel saw, An hmin zo ta e, i sengkhawm ang u. Zoram thalai, Lalpa mi huaisente, Kan zain i thawk chhuak thuai thuai ang u; Nang i awmna hmunah kei ka hmunah, Hmelma Setan ram i thiat ang u, Lei hmun thim lai apiang i tawn eng zel ang, Kan Lalpa Pathian ram a lo nih thlengin, Theihtawp chhuahin i bei ang, Hun thim a thlen hma hian. Thinlung thar, rilru thar nen, Inthawina nung leh thianghlimah chuanin; Pathian rimtui atan i inthawi ang, Lawm tlakin Lalpa rawng i bawl ang u, Lawm tlakin Lalpa rawng i bawl ang u.