Maurua

Phuahtu: Siama Kan Zoram tlangdung hi, Han thlir ila thinlai zawng a hlim ngei, Maurua an kur nghiau ve an hring cham del, Khuangruahpui a sur a, kim tein an dawng thin van malsawmna, Tuk mahse an tuai zel, ram an mawi e. I pianna tlangdung hi, Siamtu'n i tan a ruat reng em lo ni? Boruak thiang, thlifim leng i dawng tin ni eng mawi, Zantiang siar eng leh chhawrthlapui, Hei lo liam vannei an awm nem maw. Tlang sang thlifim pelin, Fan vel pawha mit tlin loh phaizawl zau; Mahse, chhemdamthli zawng vana rah iang, Khuangruahpui a kang a, Nisensa hnuaiah lungngaiin an rum, An ro zo thing tin leh maurua zawng pawh.