Min hmangaih loh i thei lo

Phuahtu: C Lalzarmawia Satu: Zorema Khiangte Awm thei lo, i awm lohna hmun, Awm lohna i nei si lo; Nangma'n engkim min tanin, Hun leh ni i thuhnuaiah, Rorelna i kuta awmin i hriatpui loh engmah awm lo, Engkim chungah meuh leng mah la, Min hmangaih i thulh thei lo, Engkim ti thei, aw ropui ber, Engkim chungah leng mah la; Hei hi erawh i thei mawlh si lo, Min hmangaih loh i thei lo, Hmangaihtu mak, hmangaihtu ril ber i ni. Chunglam khian an tarlang fo thin, I ropui namen loh zia; Hnuai lam hian an tarlang fo thin, I themthiam ril ropui zia, Hringmi theihna lo san zual leh, A siamtu ropui an tarlang, Engkim hmangin puang tawh mah la, Tunah kan fiah seng mawlh lo. Kraws ai hian tlawm zawk awm se, Bawlhhlawh zawk, tenawm zawk se; Aw Lalpa, i thlang tho hian maw, Ka ring thin kei min tlan nan, Kan hlu a sin i tan hian aw, Lalpa a mak ka ti thin, Kraws meuh hmangin puang tawh mah la, Min hmangaih fiah zo ne'maw.