Min hnemtu di

Phuahtu: Hruaia Ralte Satu: H. Lalthakima A khi chhaktiang kawlrawn mawiin, A lo herchhuak chung turni pui; A ngai te hian tlang tin mualtin, Romei a kai chiai e. Aw, min ngaihtir vawng vawng, Nunhlui zamual liam hnu; Khawia'n tuan zai rel ta che maw, Min hnemtu di ve kha. Zan khua lo tlai lung lam ka vai, Kan run thim riai mahten ka bel; Lunglen ti zual tur reng hian maw, Chhawrthla a eng riai e. Chhuahtlang lelthang ten zai lo sa, Sulhnu mahte'n fan chang ni hian; Luah loh tur di zun a cham reng e, Tahkhua a sei thlawn e. Nghilh zawng i har kumsul vei nen, Hun leh ni herliam zel mahse; Nang ngaih ban ni awm thei si lo, I thar thin thinlaian.