Nau ang ka nui ve ang

Phuahtu: K Biaksanga Satu: Lalthansanga Ralte Suihlunglenin khuatin ka hawi vel a, A mi zaleng zawng zingah hian; Kei anga riang hi awm ve maw? A mi zaleng ten lai lai par ang an tlan e, Rairah riang tan hlim ni reng a awm dawn lo. I duhaisam leh lal lai ngurnun zawng, Ka tling zo lo rairah kan nun; Ka dawn ngam lo, ka hril thiam lo, Aw, eng atan nge ka lo tawn riang thlawn mai tur; A riang ka chan tawk nau ang tah maw lo ni. Khua tin mawitu chung siar leng zawng pawh, Kawpte'n an leng van zawl mawiin; Lungrual zate'n an her liam thin, tu dang ngai lote'n, Bawihte, nang nen kumtluangin,; Leng dun ila duhaisam a kim tawh ang. Thlafam vangkhua lungduh dar ang lenna, Rairah riang an leng ngai lo; Lungduh tinkim par an tlan, Tahchuan leng ila, nang ngaia ka tahna hi, Ka bang ve tawh ang a, nau ang ka nui ve ang.