Nghilh bik suh Rinpui

Sulhnu chhui leh nunhlui ngaihzawng, Awmkhua a va har lua e; Ka ngai em che, ka ngai vawng vawng che, Ngaihzual, ka ngai em a che. Eng vang nge maw nang nen kan intawn? Nghilh ni reng i awm si lo; Laikhum zala tlaikhua kan var lai, Nghilh bik suh aw, Rinpui. Hmangaih biangah kan fawh lai khan, Ka dawn ngai lo, sam ang then; Lungchim tea biahthu hlan lai te, Han dawn ve ang che aw. Bawihte, eng dang vang mah a ni lo, Ka tling zo lo a ni e; Suihlung chhirin lo kir bik lo la, I tan ka rem tawh lo ve.