Nghilhni awm dawn lo

Dawn ve teh u, damlai khawvel, Hlimni a awm tah chang a awm; Chutin Lalpa'n a mite hnenah, Thlamuanna ropui a pe thin. Lalpa duhtak min thlir la, Thlafam lusun ngai min awm rawh; Thlarau thianghlimin min hruai zel la, Chutin tah lai ka bang nang e. Awmkhawharin ka dawn thin a, Tuarthiam a har hril thiam a har; Famzunleng ngaih tuar zo lo hian, Tapin luaithli ka nul leh thin. Nghilhni awm hian ka ring thei lo, Lungrualtea kan lenlaiin; Hawilopar tawn ka lungduh kha, Rihsang mualpui a liam ta si. Dan rual loh awmlai vei vangin, Runhmun i rem piallei daiah; Thennan biahthu min hlan si lo, Kha leh chen kan hlimlai zawng kha.