Pawmlai Di

Phuahtu: K Chhawnthuama Ka nu, ka tan zawng khawvelah hian, Hlimna ni reng a chhuak tawh lo'ng; Duhte'na pawmlai di then reng chu, Dawnin, thinlai a dam lo. Aw, ka fang mahte'n kan sul ihnu zawng te, Rauthlain a nghak lo ka run, Saisenteta, lung ka dum ber khan, Pialleiah thim run a nghak. Hlimlai nite zawng an liam zo ta, Lungngaih chhum ang zing riai e; Duhte'na pawm lai di khawiah nge? "Fam khawpui tualah," an ti. Par ang pawhin ka lawm hman lo che, Kar ang tawi run hmuna len; Kumtluang run hmun tura lo tuah sa, Fam min chansan ta e kei zawng.