Pialral chawlhna tha tak a awm

Lettu: Thanga Pialral chawlhna tha tak a awm, Khi ram nuam takah khian; Khawdur leh zan thawveng a lo ral hunah, Ni eng reng chu a awm. Khitah khian min tawk langin, Chumi tuka khawfing chat eng leh varin; Khitah khian min tawk langin, Khi lui ral ram mawiah khian min tawk langin. Khawpui mawi chung reng nei a awm, A nawm sawi hleihtheih loh; Tu pawh lut apiangin Lal an hmu hlawm, A hmaah an awm fo. Lalber lukhum vana awm chu, Isua'n a khum tir ang; Dawhthei taka a lo kal nghaktu leh - A hming chawimawi apiang. Chutichuan thihni thleng pawhin, Zawh hlen hram hram zel la; Nunna kawngka luh theihna tur ram - Ni tla ngai lovah khian.