Ram awih hla

Satu: Ngopa YMA Zaipawl Kan zalenna ram nuam, India ram chhungah hian, Luipui lian leh phaizawl, tlang ram nuam tak a awm; Mahse, chhaktiang kawl rawn ram hla takah khianin, Zoram nuam ber a awm, boruak thlifim lenna. Zaiin an awi lelthang sirva zai te'n, Zo tui thiang luang ri leh kawlngo thlasep khawng ri nen; Lei mite tan hun bi min hrilhtu an lo ni, Hetiang zirtirtu hi i entawn ve ang u. Tlang ram mawi nuam tak chhemdamthli a leng vel, Kham rang vur ang a var, senhri parin a bawm; Lentupui kai vel leh chhawkhlei, ainawn a vul, Chhing zo thei awm hianin kei zawng ka ring si lo. Tlang bawm romei zam leh fur khawthiang te hian aw, An mawina leh thatna nungchang min entir e; Thianghlim, mawina, duhawm nuna lan tir turin, Zoram timawitu an rem zai i rel ang aw. Ram lungpui luang laiah hlimna hmu zo lo te, Dawn changin lungrukah Zoram ka thlang thin che; Tlawmngai, inthurualin chhunni kan tawi thin a, I mawina inbel la, hlim takin, aw Zoram. Kan ram nun mawi leh nuam ka thlakhlelh ber mai chu, Intanpui, tlawmngaihna kan ngaihsan hi a ni; Inthurual hlim takin eng pawh kan huam thin a, Mithiam leh hausa pawh an inngaitlawm fo thin.