Ram kan chuan e

Phuahtu: Rodingliana Satu: Rodingliana, Nelson Thanga Ram chuan e Zion fa te'n, Ram lo la lang tur thangvanah; Hun leh ni te kiam lo va, An chawlh hlenna tur ramah, Chutah chawl duh te tana, Nunna kawng thu kan puang e, Lal Krista'n kan hma a hruai, Ringtute kan zam lo. I kal zel ang aw, Zion fa te, Ram tha leh zual chaka rum zawng te, Kan zalenna  ni lawmawm, Hi thlang tiang kawl a liam hmain, Haleluia, Lalpa tan i thawk zel ang. Lal Kritsa thuthlung fa te, A sipai huaisen te u; Khawlohna sual te avanga, Lungngaih chhum hnuaia leng te, "Rawn sengkhawm thuai r'u," a ti, Khawvel ni te a kiam mek e, Hlim leh lawma kan la zai pui turah, thangvana'n. Kan zam ngai lo Zion fa, Thlarau Thianghlim changtute; Setan sual khaidiat tichata, A hneh theih loh kan ni, A chanchintha kan hrilah, Lalpa'n a hming a chuan tir e, Kan puang zel e, nunna leh thihna thu lo ngai r'u. Lal Isua Pathianna leh, A chanchin puangtu kan ni; A thihna leh thawhlehna, Kan tana phuma a awm te, Chumi anpui Baptis-ah, A thihna kan tawm hnuin, A thlarau thianghlima, A kaihthawh te kan ni e.