Siloam dil kam

Phuahtu: DP Thanbuka Siloam dil kam hliap cham chungah, Lili a tlim del e; Ros par Sharon daifim chawm chu, Awi! a rimtui a leng vel e. En teh, hraileng pan tet tea, Thlamuanna kawng zawh chu, A lung ruk nun tha a par chhuak, Khuanu leng chawiin a seilian. Khawngaih zar hliap dil kam chunga, Lili chul ngei ang, Sharon phai zawl ros par vul pawh, Lo chuaiin aw a chul thuai ang. Puitling duah lai sikni iangin, Hring nun a tawi vei nen; Lunngaih thliin a nuai nghing thin, Awi! thinlai reng a dam thei lo.