Suihlung lentu

Phuahtu: Liandailova Chhangte A lo ngui zo leh ta a maw, kan lenna vangkhua zawng, Turnipui a lo her chhuak leh tlang tin bawm romei nen; Suihlunglenin ka hawi vel a, riakmaw valeng iangin, Ka tham vel a, he lei chinah hnemtu tawng lo hian maw. Auh ruai hi ka nuam ngei e, Suihlunglentu lenmawi; I tel lova tlai nilen, Ka zuam nem maw, ngaihzual. Thinlai rukah ka dawn changin i tangnem belh ve hi, Rem thei hianin ka ring si lo, aw, hmangaih di lenmawi; Tawng leh i maw thinlai hnemtu nang ang renga hringmi, Ka zuam lul lo leng dang chhai chu i tel lo chuan, bawihte. Kumpuisul pawh lo vei mahse i zunleng par rimtui, A leng vel e ka kiangah hian thamrala'n ka phal lo; Hun leh nite her liam mahse ka dem lo che di di, Ngai chung zelin i liam ta maw leng dang tang bel turin.