Tawn leh ka nuam

Satu: Lalkima Zote Ka thinlai lungrukah a hlui thei lo'ng,Hmana Zawlkhawpui khan thuamah;Chhingkhual val ka han chan lai a,Lungdumtu tleitir nem te khan,Hringnun engtin hmang ve ang maw? Tawn leh ni her chhuak leh thuai se,Lungtileng hmeltha mengmawii;Lanu nge a nih le chunnu?Vawi khat tal tawn leh ka nuam ngei e. I ngaia lunglen ka tuar hi,Hria se engtin min ngai ang maw?Min dawn pui ve hian i mawi si lo,Khuarei kumpuisul her zel se,Suihlunglen a nem ve mahna. A sakhming eng tak chawi ang maw?Khawii run mawi chu ni ang maw?Kumtluanga ka thai chang teh la,Piallei anchhedawng tawh hnu hi,Ka tan hlimna run nuam a chang ngei ang.