Tawnthar di

Phuahtu: Ch Malsawma (L) Satu: C Zolianpari, F Zothanpuii, C Vansanga, Zosangliani, H Lalthakima Hun kha leh chen kha ka lo nghak che, Tunah dar ang ka tawng ta che; Saron pâr iangin i vul si a, Sirah chuan min hnawl lul suh aw. Lêngdangte chuan sum an hmachhuan a, Kei zawng chhuan tur ka vai lua e; Ka hmangaihna chauh lo chu bawihte, Kei zawng ka nei ve lo pârte. Mahse, kei zawng lung ka mawl em mai, Tawnthar di, aw, i zûn ngaiin; Tawh changin sawi tur ka vai leh si, Aw, engtin lo ngai ve ang maw? Theihchang se kan rûnlum nuthaian, Fanau maltluan chawi za ila; Chhin zawh rualloh i sakhmelmawiin, Kumtluang kan rûn mawi ve teh la. (He hla kan rawn tarlan hi a phuahtu Pu Ch Malsawma (L) phuah dan ang thlapa tarlan a ni, he hla dik tak min rawn petu Pu Ch Malsawma fapa Pu Henry-a chungah pawh lawmthu kan sawi mawlh mawlh e.)