Thaisangte

Satu: C Vanlalzuia Aw, khawnge i awm tak ka duhlai, bawih mampui,I sakhmel tawn ni reng awm si lo;A mi leng zawng te chu tuahrem lai tang belin,Hlim te'n an nui hiau ve vangkhuaah. Rairah riang ka tah khua sei tur hi,Min dawn pui lo em ni thlafam khua i lawi le;Dawn a sei, ngaih i zual em a sin,Aw Mampui, kir tiang rel hian i mawi tawh si lo. I sul i hnu zawng te ka thlir ning thei nem maw,Mitthlaah i cham reng, i hlui thei lo;Kumsul tam vei mahse, nghilh thei hian ka mawi lo che,Thlafam vangkhua ka lawi ve hma chuan. I tel lo chuanin maw, vangkhua zawng a ngui ruai e,Tlaini len pawh ka zuam thei mawlh lo;Vawi khat tal dawn ka nuam i anka nem diai kha,Rauthlaleng talin min hnem ang che. Nang nena hlim tea len hun tur dawn thin kha,Doral vangin maw, aw, fam i chan le;I lenna fam khawpui ka lo lawi ve hun chuan,Min lo hmuak ang che aw, Thaisangte.