Than hmeltha

Chuai thei hian i mawi lo, sakhmel sensiar Lalngo, Leng dawntuai Than hmeltha nuimawii; Thang vansang chhawrthlapui suihlung pawh i dum ngei, Lungchimte'n a en vel ruai a che. Par tin thang zawng aia mawi chuangi, Lung tileng mengmawii ka ngai em em a che, Biahnem anka tui ang nem diaii. I zun rimtui leng vel hian lairil a fan thin, Nang tawn loh chuan suihlung a leng thin; Zawlkhawpui khua nuama'n tifamkimtu i ni, Theih chang se ka thai han chang teh la. I chun leh zua lungdam nan i hringnun thianghlim, Vul tir zel la chunnem chan thlengin; Thinlung chhung thianghlimna vawng zel la damchhungin, A tawk e, anka nem a tawk e.