Thinlai luahzo tu

Phuahtu: Lalngengpuii Tochhawng Satu: Lalngengpuii Tochhawng Tinkim ka dawn changin, Nang ngaih a zual leh si thin; Zaleng zawng ten min sel mahse, I tang belh zai ka rel leh thin, Ka tan i hlu, i mawi chuang e. Ka ngai em a che, ka ngai vawng vawng che, Thinlai ruka'n i cham reng mai; Sakhmel intawn tlai mahse la e, Hlimte'n lendun zai i rel ang aw. Duh ai ka sam thin a Runhmun a len dun ni te; Herchhuak thuai se sakhmelmawi, Ka dawn lungruk a hlim ngei ang, Chutin tudang ka ngai bik lo'ng e. Sam ang then lo hian e, Duhte'n i tangah beiin; Hmangaih biahthu hril dun zelin, Selna anka sirah hnawlin, Hlimte'n i lengdun zel ang aw. Mahse, duhlai kei zawng, Chhuan tur ka nei ve si lo; A riang lungmawl hmangaihna hi, I tan, i tan ka hlan ve e, Duhte'n lo pawm zel nang che aw.