Thlafam kir dar ri se

Phuahtu: R SawithangaThluk siamtu: Lalsangzuali SailoSatu: Ngurthangvela Kumsul lo vei kan nun a dang zo ta,Ni leh thla te'n hun bi an kim;Van Lal pian ni lawmin leng zawng an hlim,Fam hnu ka zua ngaiin ka lo tap. Chung muvanlai iangin len ka nuam,Fam khaw tualah va tum ila;Ka zua fam hnu min hmangaihna aw,Dar ang tawngin tah ka bang ngei ang. Kawlah awmlai lo lian ka dang zo lo,Kei ka tuara'n vanpui a chim;Kan run rial ang a dai, ka hawi ngam lo,Ka tah lai ni kawl liam thei lo. Thlafam tumkawng zamual a liam tawh hnu,Piallei zau va'n ka zawng vel a;Ka tawng si lo, tapin tlang tin ka chuan,Min hnem zo lo hringmi zawng te'n. Lalpa'n phalin thlafam kir dar ri se,Ka tah lai ni tawnmang chang se;Ka zua lungmawl rihsang kai hnu tawngin,Chung siar iang lung kan rual. Chatuan tlangin kar min dang rih mahse,Salem thar nuam ka thlen hun chuan;Ka ngaih kalta te nen lungrualza ten,Nun hlun thing leh Lal ber kan awi ang .