Tlaitla eng mawi kawngkhar hawn hun tur chu

Tlaitla eng mawi kawngkhar hawn tur chu, Panin ka kal mek a ni; Ka thlir nitla eng lo lang tur chu, Ka in nuam min thlen dawn si. Tlai ni tlak hun a hnai ta, Min kohna dar ri a leng; Tlai dar ri mawi min kohna, Ka thinlungah a lo thleng. Dam lai ni hi a tlak hun chuanin, Chawlhna nuam tak a awm ang; Ni tlaka ka kawngkhar hawn hun chuan, Ka thla chau a rum tawh lo'ng. Ka lenrual duhte sirah chuanin, Ka buaina ka mutsan ang; Tin, min kohna aw nem chu ngaiin, Mangan reng ka hlau tawh lo'ng. Tin, kawngkhar eng mawi takah chuanin, Ropuiin ka tho leh ang; Thihna puan chul hnu chu hlip tawhin, Ropuina puan ka sin ang.