Vahvaihna ram

Phuahtu: Sanglianthanga Satu: Nancy Zothanmawii Vahvaihna ram khawvelah hian, Lungngai takin i rum thin maw; Hmangaihtu reng nei lo ang hian, Khawharin i hun i hmang maw, Beidawnga thih mai thlang lo vin, Hmangaihtu hmel eng hmu turin, Lal Isuan a nghak reng a che, "Ka hmangaih che," tiin. Tupawh nun tuihal apiang leh, Thawkrim leh phurrit phur zawng zawng te; Ka hnenah lo kal rawh se titu kha, A la pangngai reng fo asin aw, I sualna bawlhhlawh zawng nen, A hnen i pan chuanin, A la ngaidam duh che, ngaidam duh che, I sualna zawng zawng nen. Lal Isua nawmna tel lo chuan, Khawvel par mawina zawng zawng hi; Engmah lo mai an ni si a, Aw unau, inngaihtuah chiang rawh aw, Khawvelah tuikhur i chawi chuan, Tuihal rehna i hmu chuang lo'ng, Lal Isua nunna tui chauh hi, Thlarau tuihal rehna.