Van khawpui ka thlen hma chuan

Sual vanga lungngaia ka rum laiin, A aw mawi tak min hriattir a; A rawngbawl turin min ko ka Lalpan, Ka inpe atan nung turin. Van khawpui ka thlen hma chuan, Lungngaih, tah leh mittui karah; I kawng thianghlim min zawh tir la, Min kai ang che aw, ka Lalpa. Hrehawm mahse Lalpa ka zui ang che, Ka velah lungngaih chhumzingin; Manganna thli lo tleh thin mahse, Min chawlh tir rawh i kiangah. Lungngaih tahna ruam ka zawh laiin, Hrehawmnaten min phuar vel a; Chauin ka tlu, ka kawng thim takah, Min hruai ang che ka Lalpa. Ka nghakhlel chatuan khua lo var tawh se, Van khawpui tuala leng turin; Thihna Jordan luiral mawiah khian, Ka chawl tawh ang kumkhuain.