Zan zai ri

Zan thim thiang dai zan zai ri, Van hulhliap hnuai hramtin ri; Zan zaipawl ang an zai a, Zan hla mawi an rem hian, Lairil lunglen pindanah hian, Lunglenin min tham a, Zan thim thiang dai zan zai ria'n, Lungrun, ka ngai thin che. Khua a tlai a, van a ngui a, Kawl a thim a, ni a liam a, Zan a lo thlen a, van a thian hian, Lungrun, nang ka ngai thin che. Lungrun, nang ka ngai thin che. Mahse, lungrun nang leh kei, Kan kum lam kar a zau si a, Kar thudiin min thlung phak lo, Kan khawvel a dang si, Hringnun kumbi, hunbite hi, Herin thunun thiam ila, Min daidantu kumbite hi, Aw, ka her rem ang.