Zantin lo leng rawh

Duhlai valmawi, engan nge nizanah khan in, Kan runsang i lo len loh le? Kan run pawnler dawhsan atang hian in, Duhten ka lo thlir reng che asin. I sakhmel tawnloh kar tawite hi e, Kei ka tan tawrh tham a tling zel thin; Duhten hrai duh leng chawi dun chungin, Runhmun len zai i rel thuai ang aw. Ih maw, valmawi, chinlai valdang te pawh hian, Kan run sang an rawn bel thin a; Mahse, i tello chuanin ka hlim zo lo, Zantin valmawi lo leng ang che aw. Valmawi kan run i lo len zan hi chuan e, Ka lairil min ti hlim thin mang e; "Mangtha" ti a inthen ngai tawh lo hian, Kumtluang i thai chan hun ka nghakhlel