A lawi dawn e

Phuahtu: Dokamlova (Dk-a) Chung Khuanu hualhmin tuah rem zarah, Nupaah changin pumkhat an rel; Damchhung hun a hrehawm leh nuamah pawh, An thutiam nghetin lo rinawm se. A lawi dawn e, a lawi dawn mothar a lawi dawn, Hlim leh lawmin i lawmpui ang lenrual te u; Chheirawkhah! Hrangchhuana runin chhungah, Chawngmawii a lawi dawn lo kian r'u. Chuti'n an dam chhung hrui ang sei se, Fanau maltluan chawiin an dam sei se; Dam chhung ni hlim tea chhiar dun turin, Duhsakna kan rawn hlan ve che u.