Aw, ka thinlung awmkhawhar leh

Aw, ka thinlung awmkhawhar leh, Lungngaih fawn velin; Lo kir leh la chawi lai par ang, Vul leh ang che aw, mual liam suh. Aw, hnutiang mual liam, Ngaih ni a zual leh thin; Kan lungduhte'n van sang karah, Angel var nen tual an leng e. Zaitin ka chhiar suihlunglenga, Mual tin hawi velin; Ka tuai duh lai ka nau riangte, Chham ang i zalna khawiah nge? Chhungkim len rual zate'n nau ang, Kan nuih lai zawng kha; Dawn chang ni hian tuar har kan ti, Khua romei ang a zam ral ta. Biak theih chang se a zua runrem, Thang van sangah khian; An Chhandamtu thla zar hnuaiah, Ngai ve ang maw a chun chawitu. Khua alo var leh ang, Lalpa, Ka au zel ang che; Fam ngai awm har suihlung ruala, Kan len hun tur, aw, ka nghakhlel.