Buaipui tham Isua

Phuahtu: R Vanlalzauva Satu: R Vanlalzauva & B Lalremtluangi, R Lalbiaksanga A hlu chuang ngei e, thil dang zawng aiin, Ka damna Kraws pua tuartu chu; Kei leh ka chhungte erawh hi zawngin, Lal rawngbawl hna hi kan ngaisang ber. Buaipui tham Isua, thihpui tham Isua, Tahpui tham Isua a lo ni e; Dampui tham Isua, nunpui tham Isua, Hlimpui tham Isua a lo ni e. Kan zahpui bik lo'ng kan damna Isua, Krawsa tuar lai hmel mawi ka thlirin; Hmuhsit, endawng nen saruaka tuarin, Min zahpui hnekin min ngaidam zawk; Chhungkaw tinreng leh kan khawtlang huapa, Buaipui tham Isua a lo ni e; Kan ram leh hnam pawh a damna tur chu, Remna Lal Isua a lo ni e. Khawvel pum hriatah kan buaipui zel dawn, Zahpuia hawikir thei kan ni lo; Sum leh pai nawmchenna kawng zawh aiin, Lal rawngbawl hna hi kan thlang tawh si.