Chhingkhual di

Phuahtu: K Lalrammawia Ka suihlunglen a zual, Chhingkhuala di ngaih vangin ni maw; Riakmaw iangin kan vangkhuaah, Lunglen ka lo vaih pui. Aw, kan nunhlui kan lenlai ni, Chhingmit rauthla ai ang a cham; Tawnmang lungmawl chauh hmachhuanin, Laikhum ka bel ta'ng e. Chul ram thuvate iang, Hnutiang chhawn ram sulhnu nghakin; Ka kiu ruai ruai ka tawng si lo, Lunglen a na em e. Khua hmuna leng mah hian, Tawn leh ni her thuai se an ti; Chhingkhuala di lunglai hnemtu, Tawn leh ni awm ang maw. Suihlunglen vang em ni, Ka chung vanzawla chung tur ni; Kal lai a chawl ta em ni le? Chhun ni a rei vawng vawng.