Chhingmitin biahthu kan hlan

Tunge ka nih? Enge ka tih? Ti em a mawina, duhawmna, ka phu em ni? Lemziakthiamin an duhthusam, Chhimbal leh arsite hmang pawn han ziak sela, An puang chhuak zo chuang lo'ng e, i mawina zawng te, Rangkachak leh lunghlu paw'n, I hlutna an buk tawk zo chuang lo'ng e. Hun hi liam lo se, hmangaihna kiam lo se, Tawnmang ramah chhingmit chhing loin kan leng; I thuruk thim ber paw'n min hnar thei chuang long, Lenrualte zingah pawh kan inthup thei lo, Tawnghriatlohin chhingmitin biahthu kan hlan. I pianni khan Angelvarte'n, Minhring mit hmuh a mawi ber tur an duang em ni? Engpawh chu lo ni se, ka suihlung i dum ngei e, Rangkachak leh lunghlu paw'n, I hlutna an buk tawk zo chuang lo'ng e.