Chhul khat kual

Phuahtu: C Durthanga Satu: Lalrindiki Khiangte (Daduhi) Khuavel zawng zawnga Zofa leng zawngte, Kan hnam Zonunmawi hi chawisang zel turin; Tuanna mah dang se, thinlung hmun khatin, Kan hnam nun mawi hi i zahpui lo'ng u. Zofa, Chhak, Thlang, Chhim, Hmar a cheng zawng hi, Thlahtu thuhmun chhul khat kual vek kan ni; Lai leh Paite, Mara, Thahdou, Hmarte, Fa u ber paw'n in hrang chang mai lo se. Tuan tul vanga sappui ram zuk kai paw'n, An pianna Zoram nuam bawk an ngai leh thin; Eng dang vang a ni lo, pianna chunnu, Zoram hnuntui ngaih an bang bik si lo. Chhinlunga chhuak Zofa mi huaisen te, Thian chhan thih ngama pi pu sulsutute; Tunah ngei hian an dungthul leh ang u, Lung kan rual chuan kan hnam a him ngei ang. Zohnahthlakah tu nge hniam ber chuang le? Zoram chunnu’n a hrai leng min lem chuang lo; Duhsakna zawng zawng nang leh kei atan hian, A sum hrang lo, a hrai vek kan ni si.