Dawn thiam a har thiana

Dawn thiam a har ngei thiana. Thangvan zawl zau khi ka thlirin, Vanrang dumpawl riai karah khian; Lungkham nei lo chungleng zawngte, Suihlungrual zaten an leng e. Hringnun kalsiam her ka dawnin, Chin tawk a awm thei nemaw; Dawn thiam a har ngei thiana. Lungngaih leh lawmni a awm thin, Hlimni awmchhun pawh a rei lo; Mahse, Khuanu rel a lo ni, I dawn thiam hram ang hringnun hi. Damlai hringnun piah ramah chuan, Ka ngai tawh lo'ng lei hrehawm hi; Lawmna kim maw ka chan tur chu, Ka va han nghakhlel em kei zawng.