Kohhran min pe

Phuahtu: John Zorammawia Satu: Champhai Bethel Kohhran Pavalai Pawl Kan khualzinna khawvel rumna ramah hian, Lalpa sak loh khawpui leh ven loh ram chu; A satu leh vengtu an thawkrim thlawn, Kan tan kohhran min pe, Lalpa, kan lawm e. Kohhran min pe, Lalpa, a va ropui em, Hei lo hi in nghet dang reng kan nei si lo va; Suahsualna puan in te awm ai chuan, Lalpa ina kawngkhar vengtu nih chauh tal pawh hi ka thlang zawk e. Harsat leh manganna ten min chim lai hian, Lalpa biak in chhung kawtlai a ngai zual thin; Khawvelah thlamuanna hmundang a awm lo, Kan tan kohhran min pe, Lalpa, kan lawm e. I ina awm Zion lamlian zawhtu chu, Tahna ruam an zawhin thlamuanna i pe; Chakna ata chak leh zualna an chhar thin, Kan tan kohhran min pe, Lalpa, kan lawm e.