Engtin nge ni ka chhandamtu

Engtin nge ni, ka Chhandamtu, Thisenah hlawkna hlu ka hmuh? Thihna rapthlak tuartirtu kei, Ka tan a lo thih tak ni le! Hmangaihna mak engtin nge ni, Ka tan Pathia i lo thih le? A va mak em, thi thei lo thi! A tumzia mak tu nge sawi thei? A hmangaih thukzia puang turin, Seraf-te pawhin an phak lo. Khawngaihna mak leiin fak se, Angel pawhin zawt tawh suh se. A Pa lalthutthleng rawn pelin, Kan tan a khawngaih tawp nei lo! Hmangaih chauh lo chu hlip vekin, Adam thlah sual bo tan a thi. Khawngaihna mak a thlawn a ni, Aw, ka Pathian min zawng hmu ta. Rei tak ka thla saltang tawh kha, A rum khawvel sual thiam hnuaiah; I hmel eng chu a lo lang a, Nungin ka tho ta, i engah. Phuarna a phelh, ka zalen ta, Thovin ka kal, ka zui ta che. Thiam loh chan reng ka hlau tawh lo'ng, Isua ka ta, kei ama ta; Mi nung, Krista zawmin ka nung, Pathian felna ka inthuamna. Lalthutthleng chu ka pan ngam ta, Kraun hlu Krista zarah ka ta.