Sangpui

Phuahtu: H Lalringa Satu: Lalenkawli Pautu Ka zuk thlir raltiang ram ka di lenna, Luaithli nula sam ang ka thenna; Engtikah suihlungruala leng dunin, 'Sangpui' ka ti che Hmelthai. Ka ngai, ka ngai che min hnemtu, Tawn lohva par ang i vul tur; Ka dawnin awmhar nau ang ka lo tap, 'Sangpui' ka ti che, koh duat nan. Kan chhuahtlang phunlung bela thlir changin, Tahte khuan chhingmit rauthla a leng; Mahse, aw, kar a dang kan lenna tlang, "Sangpui" ka ti che Valnema'n. Tu dang leng hawi lo la, thaannemte, I zun ngai a riang val min hnem la; Runhmuna leng dunin kumtluang atan, "Sangpui" ka ti che leng tawnah.