Fam Lalzova

Phuahtu: Roliana Ralte Hmanah lenrual lungduh te nen, Tlaikhua vara zai tin vawrin; I chawi thin maw suihlunglen hi, Mahse, tunah piallei run min nghah san ta si. Fam Lalzo, i sakhming sawi kan bang lo, Fam Lalzo, i sakhming sawi kan bang lo, I sakhming thang leh thar zelah kan hril zel dawn, I sakhming Fam Lalzo. Lenrual di then zawng an tam ngei, An chawi thin asin suihlunglen; Nang iang chawi thiam reng an awm lo, Chham ang zal tho vin i hril dun ang suihlunglen. Theih chang se chung lam vansangah, Chawngmawi iang Hrangchhuan di tawng ila; Kumtluanga indi thar zelin, Chawilai nau ang reng kan nui ve tur kumtluangin. I sakhming rial ang daih loh nan, I lenrual leh thang leh thar ten; Fam rolung tangka darzam an hlan che, Rauthlaleng tal chuan han thlir rawh lungdam nan.