Hlimin an zai

Phuahtu: ChhuanteaSatu: Sihphir Vengthar Pastor Bial Zaipawl (2022 - 2024) Van Jerusalem thar ka thlir thin rinna mitin,Tlansa te'n Chhandamtu an fak hlim takin;Chawlhna kim chu changin an phurrit zawng a kiang ta,An Lal hmel hliam hnu chu thlirin an chawimawi. Heng tlansate hi hrehawm nasa tak ata chhuak anni,An puante Beramno thisen hlua silfaite an ni;An mit ata Lalpa'n mittui zawng a hruk hul sak tawh si a,An Tlantu Lal Isua fakin hlimin an zai. He kan hmaa mi huai Isua vanga tuar ngam te'n,An hringnun zawng aiin Lal Krista an thlang;Rinawmin Lal Isua hmangaih thu chu puang zelin,Harsatna hnuaiah chhel takin an vakvai. Rinnaa hnehtu te'n chatuan Lal run nuamah khian,An chawimawina lallukhum chu hlimin an nghak;Isuan ro a rel ang, ni ropui lo thlen ni chuan,Hlim takin chawimawina lallukhum an khum ang.