Hmangaihna thu mawi ber

Phuahtu: FP Laltlankima Satu: BCM Pangzawl Pastor Bial Zaipawl (2022-2024) Hmangaihna zawnga thuk ber, Hmangaihna thawnthu mawi ber, Lal Isua min hmangaihna a ni, Mi sual lamtu hmangaihna, Fel lo tana felna, Hmangaihna thu mawi ber a ni. Rethei, hausa a thliar lo, Mihring finna a thlir lo, Amah pantu apiang a kuangkuah thin, Amah kotu chhang thintu, Mi sual in pawh a thleng, Hmangaihna tawp nei lo a ni. Kei zawng ka chhuang ber e, Lal Isua hmangaihna, Chatuan nunna min pe ka dam ta, Ka tuar ai min tuar sakin, Ka thih ai a thi a, Hmangaihna thu mawi ber a ni. Lungngaih, mangan, harsatna, Tah leh rumna ka tawhin, Ka kiangah Lal Isua a awm ka hria, Thlarauvin min chenchilh a, Beiseina min pe a, Min thlamuan, min tichak leh thin. Hringnun zin kawng min zawh pui, A thuin min en a, Chawlhna tuikamah te min chawlh tir thin, Min thlahthlam phal ve ngai lo, Min beidawn san ngai lo, Min hruaiin min awmpui reng thin.