Kalvari hnehna ropui

Phuahtu: Anthony C Lalruatfela Thluk siamtu: John Lalvenhima Satu: Lily Lalthakimi Kawla leh Chhuna, lal ber Isua tan ramtuan relin thlang tiang Shimla an pan, Chhandamna Sipai Pawl kaina zawng chhuak turin; Sikpui hrileng dang zo lo vin Chhunan rihtlang zamual a liam san ta, Ti hian thuchah hnuhnung a hlan e, "Kan Zoramah i ram lo thleng rawh se". Gospel chhantu hran thang rual famta zawngte, An chuang kim e, an sakhming famrolungah; Rangkadartui luan a zam chiai e, An thawhrim rah kutpui kan lawm, kan hlim ngei e. French raldo turin pheisen rual an ngir e lammualah, Lam ang letin Kawla, Zawlkhawpuiah chhawntu reng an awm ne maw; A mi leng ten lo selin maw, tuaipheng i va han ang delh delh ve, Zam ngai lo mei leh thisen puanzar khaiin hmatiang thlirin hnutiang a chhawn ta e. Sawnpui lungmawl hrangin chhandamna famkim kal siam an rem lo, Sipai chhungtin hrutin duhtlang ngur an ruai e, chhuahpui run an rem; A saw hmartiang hrutin naunawn, arbawm, thul nen belh tur an vai, Sailo ngurpui Lalhleian ankanemin a lo chhawn  run an rem Sawleng daiah. Tiahpui chhum a zing, kian zai a nei leh thin e lenkawlah, Tuipui lian vang niah zawng khel lo ten a kam leh thin e khuarelin; Thim lal pheisen darfeng thlung lu lawmin kutpui kan awi, chhandam faten Lal Jehova hrai Krista sipai rual ten Kalvari hnehna ropui kan chang.