Inpeih thuai ang u

Phuahtu: Pastor C Saikhuma Satu: Shalom Femala Voice (Khuangleng) Lalpa chu a lo kal leh thuai dawn a ni, Authawm ropui nen van angel rual nen; Chhum zingah khian tawtawrawt ri nen, Mi thianghlim lawr tur leh mi sual ti boral turin, Chumi ni atan chuan i inpeih tawh em? Aw, inpeih thuai ang u, Tun hi hun lawmmawm a ni; Chumi ni chu a lo thleng dawn ta, Hnamtin, chitinte inpeih thuai ang u. Lalpa chu a lo kal leh thuai dawn a ni, Mi thianghlim hmu ropuiin an tho vang; Mi fel tak tihdanglam anni ang, Mi sual nungdamte chu Lalpa engah an thi ang, Kum sang Lal ram ropui chu a lo thleng ang. Lalpa chu a lo kal leh thuai dawn a ni, Jerusalem thar leiah lo chhukin; Mi sual tho leh Setana chhuah nen, Khawpui thianghlim an hual, Chatuan meiah an kang ral, Lei leh van thar lalram Lalpan a siam ang. Haleuia! Lalpa chu i chawimawi ang,Chatuan thuthlungthar ranthleng leh kraws chu;Chhandamna leh chatuana nunna,Van leh khawvel zawng leh, Hremhmun mei tuar te pawhin,Ropuina leh chawimawina i hlan ang u.