Ka hmangaih che (Tunge i hming OST)

Phuahtu: F Lalrindika Satu: Saka Mahriaktea lamtluang dung ka zawh mek laiin, Hriat loh lanu sakhmelmawii tawngin; A tana Khuanu malsawmna ni turin, Chu lamtluang dung ngei chu a lo tawk a ni. I tan ka hmangaihna neih chhun hi, Ka hlan a che, aw, ka hmangaih che; Ka hmangaihna neih zawng i ta a ni e, I tan chauh aw, ka duat, ka hmangaih che. A sakhming leh nun zia a mawi chuang ngei, Ka tan thlir nin i har, min hneh ngei e, Ka hun leh nun i tan ka phal, Theih nise ka engkim hi ka ui lo ve. Harsatna karah hmangaihna par vul, Chu ngei chu ka duhaisam a ni; Ka tana Khuanu ruat ngei chu, Ka tawng ta che, ka lunglawm a kim ngei e. Ka tan i hlan, i hmangaihna hmasaber, A hlu ngei e, ka tan a hlu chuang e; Nghilh lo'ng aw, kan tiamthu di, Ka hmangaih che, ka hmangaih ber fo ang che.