Kan ton te lai

Phuahtu: F BC Sang Satu: Sui Hlawn Rem & Bathsheba Hniang Tha Cer Hi lei ram ah, khual tlawng mi kan si Nuamh duh ah, leng mi kan si lo, Kan vailam cio put in, Sui khua dawh lei cuah in Ruahchannak ngan he, Kal lio mi kan si, Kan vailam tah, put cu har hmanhseh Chim thiam lo, lawmhnak nun kan ngei Kan ca’h a tho mi Jesuh Khrih, Zoh chih in, hmai kan kal. Nikhat khat ah, kan ton te lai Thangthat zai hla kan sa lai Hi lei zong ah kan thangthat lai Thangthat awk tlak kan Pathian Nun pek awk tlak Bawi Jesuh Ruahchannak ka ngei. Van siangpahrang, dawt mi fa kan si Khrih thisen in, cawk mi fa kan si Ngeihchiatnak, sifahnak, thihnak, harnak nih maw Khrih dawtnak he cun, a kan then kho lo, Sunparnak chung, kan luh hlan te ah Khrih tuar in nak kan ni hrom ve ee Cu nun ning cu har hmanhseh, Bawipa sin ka lawm ko. A liam cia mi, kan dawt mi hna he, Zungzal Bawipa, kan thangthat te lai Cu ni kan phak lai ni, Ka ngang hringhran mi ni Oh thinak khawi hen, na ṭeinak a um? Jesuh thawng in, teinak kan hmuh cang Khrih vailam ah, khenh chih kan si cang Hi lei nun hi har hmanhseh, Ruahchannak a zor lo.