Khuangchawi thla hleinga zan

Satu: C Vansanga Khuangchawi thla zan khaw thiang mawi ri riai, Lawm lo awm ang maw zaleng zingah; Hringmi pawhin nungchate pawh par ang an lawm, Zaitin an vawr e zan khawthiang lawm in. Khuangchawi thla hleinga zan lalnu lo chhuak hian e, Suihlunglen zun hringmite a rawn hawn e, Nauang inlawm ri leh nunhlui ngai zai saten, An ning lo, an phang lo'ng tlai khawvar, Vanhnuai zaleng zawngten i engmawi no lawmin, Hriatrengna lungleng tin i rawn phun sak thin maw. Lanu, valrualte hlimna siamtu, Remna engmawi rawn hawn zel la e; Khuanu samsuih kawplai duhawmte rawn siam la, Chutin fak zaiin kan awi zel nang che. Zan khawthiang leh zan eng mawi duhawm, Hringmi thinlai thianghlim tir ang che; Thlang tlai zamual liam mai lo vin, Ding reng la, aw, cham reng mai la kan vangkhaw tual mawiin.