Lalpa ka nei tawh si

He khawvel ropuina leh a mawina ai chuan, Ka Lalpa kraws lera hliam tuar chu a mawi zawk; Thiltihtheihna leh hausakna, hmingthanna aiin, Kraws kawng zawhin hrehawm tuar ka thlang zawk. Ka hmalam chu thimna leh buaiin lang thinin, Manganna leh beidawnna niin lang thin se; Min khawngaihtu Lal Isuan ka chak loh hriain, A hmangaihna banin min hruai zel thin. Hawikirin ka phatsan leh tawh lo vang, Ka thian rinawm Isuan min hruai dawn si; Hlimna zawngin ka vahbo san leh tawh lo'ng, Damna kim neitu Lalpa ka nei tawh si. Chu hmun mawi tak chu tunah zawng ka chang ve ngei ang, Lallukhum khumin van khawpui tualnuamah; Van angel thianghlim te nen Beramno fakin, Chatuanin hlim tawp lo vin ka fak tawh ang. Hawikirin ka phatsan leh tawh lo vang, Ka thian rinawm Isuan min hruai dawn si; Hlimna zawngin ka vahbo san leh tawh lo'ng, Damna kim neitu Lalpa ka nei tawh si. Lalpa ka nei tawh si lyrics