Lei lal puan ropui chu a tlawm ang

Phuahtu: CZ Huala Satu: HC Lalengzami, H Ramtharzuali, H Lalhunmawii Art & Culture Dept Zaipawl Lei lal puan ropui chu a tlawm ang, Lei pangpar mawite pawh a chuai thei; Kan damlai ni pawh i a lo la tla ngei ang, Mahse, Lal duhawm Isua ka nei. Lili par mawi - Lal Isua ka nei, Ka tan a par chatuan ram mawiah; Hrehawmah pawh aman min awmpui fo va, Lili par mawi - Lal Isua ka nei. A hmangaihna ram eng mawiah khian, Amah chu chatuan Varparh a ni; Hrehawm tuar mah ila, hemi khawvelah hian, A ramah chuan min la hruai dawn si. Tunah tapin rum rih mah ila, Thihnain ka mit a chhin hunin; Ka hlau lovang, thlan thim ata min tho vang a, Ka mittuite chu hru fai turin. Kan thian duhte'n he khawvelah hian, Min kalsanin ka rilru a ngui; Mahse, ka lungngai lo, mala ka lo awm hian, Lili par mawi - Isuan min awmpui.