Mangtha nunhlui

Phuahtu: Lda Hmar Satu: Mami Fanai Suihlunglen in ka han dawn a, Hmanlai chang tawh hnu nunhlui zawng te kha; Tudang ngai lo hlim zai vawr lai, Vuai ang a thamral zo ta. Kohkir ka nuam nunhlui ngaihawm, Sul ang liamin nghilh zai min rel maw; Ti hian damte'n ka thlah nang che, Mangtha, aw, nunhlui, mangtha le. Lenkawl eng leh romei zing riai, Vul lai par siah thing lentu zing ri riai; Han thlir chang hian lung a leng zual, Khawi an tuan che maw aw, nunhlui. Kumsul veia hun her zel in, Hringnun vullai ni herliam pui zel a; Chutin piallei riahrun rem thlengin, Nunhlui ngaih lunglen kan bang lo.