Min vei ve rawh

Phuahtu: Lalneihthangi Thluk siamtu: Rohmingthanga Satu: Lalneihthangi, Kimkima Thal favang lenkawl eng ri riai hnuaiah, Chul mai lo se vanglai nun ngaihlai mi u; Min vei ve la, duhte'n ka chawi na'ng che, I thaikhawi thu tin di mai zawng a tawk lo. Eng dang reng reng hian lunglai a luah mawlh lo, Nang ngai reng reng hian zan mu ka chhing thei lo; Tu dang ngai lo te'n leng dun ila, ka di Lenmawi, Kumtluang runlum nuthai chang ngei ang che aw. Eng dang reng dawn thei ka mawi si lo, I sakhmel mawi leh anka nem lungdumtu; Thinlaiah i cham reng thin, Lungrunpui, Lenna tlang a dang, tawn ni i awm si lo. Dawn ve thin ang che, aw, a riangval hi, Nang ngaih i tawna suihlunglen ka hril vang hian; Suihlung herin ka ring lo che, mi u, Leng dang tangnem zawng bel lul suh aw, Thuampui.