Nakin atan vawiin i hlan ang

Phuahtu: C Lalzarmawia Satu: Zoramchhani Ka thlir thina kan Zoram hi ralin an hnaih lua e, An hrang ngei e chhunglam leh pawnlamah; Ka thlir sei lo hmalam hun tur, kan sulhnuin min vua, A pawi mang e, thinlai a na em e. Mizo, harh la, i tawlhlohpuan bat la, I ram neih chhun - Zoram hian a ko a che; Doral hmaah kan zam ngai loh kha, Nakin atan vawiin i hlan ang aw. An tam ngei e mi fel leh tha, Zofa kan duai bil lo, A pawimawhber suihlungrual za ila; Lungrualtea thukhat vuain zaikhat awmhmun hriain, Kan ram kalsiam a her fuh leh ngei ang. Hmangaih lova "ram tan," tih hian chhungkua a pel nem le, Dikna lova thuneihna zawng a na; Aw, nang Mizo, harhchhuak ta che, khua reng a tlai mai dawn, I ram dam nan mahni in en rawh le. Kan ram neihchhun, aw Zoram nuam, muangte'n lo awm ang che, Nang hmangaihtu ram dapin kan awm e; Siktui ianga thinlai fimin, "Zoram, i tan," tiin, Kan hmangaih che, kan hmangaih dawn chauh che.