Rose par rimtui min thliah la (Sakhmelmawi)

Phuahtu: Valzotea Satu: C Vansanga, Vanlalsailova, Various Artists Suihlunglen zual changin ka thlir vel kan chhuahtlang, Partin vul a kai chiai e, chhemdam thli nen; Thal romei a zam kai chiai e, Lung min len zual thin, tlai ni ka leng zo lo. Rose par rimtui min thliah la, Hmangaihna rose par rimtui; Suihlung dam na'n e, min hlan la, Sakhmelmawi. Tawnmang lamah chuan e, kan leng dun a, A thianga thu tin hlanin lenlai kan chen; Mahse, hai ang thang hawi velin, Nang ngaih vang hian e, luaithli ka nul leh thin. Chuti'n Sakhmelmawite, duhai ka sam thin a, Kumtluanga buan ang pawmin, run in nuamah; Fanau maltluan chawi dun turin, Kumtluang atan e, nuthai chang mai teh la.