Rualhlui ngaih hla

Phuahtu: R Lalnunmawia (Chanmari West)Satu: H Vanlalhlana Dawn changin ka ngai zual thin,Nun hlui mual liam hnu te kha;Kohkir theih an chang si lo,Thinlaia'n a thar leh thin. Aw, suihlung a leng vawng vawng,Zarva iang hlim lai ni te;Thinlaiah a cham reng mai,Nun hlui ngaih a zual leh thin. Dawn kir ve thin che u maw?Lenrualpui lungduh zawng te'n;A ngur nun reng ngai lo va,Hlim zai kan vawr lai te kha. Aw, ka dawn sei ngam lo ve,Chung siar van dumpawl leh;Chhawrthlapui a lo eng a,A zual chuang rual hlui ngaih hi. Thinlai chhum ang zing riai e,Ti hian ka hril zai hlain;Leng zawng te'n min sel lo u,Ka tuara'n a na lua e.