Sim loin ka um thei lo

Phuah: Evan. S. Tha Nei Fai Sim loin ka um thei lo, rel loin ka um thei lo; Thlarau Thianghlim hnaṭuan ka suangah; Meisa bangin I kang ih, daiten ka umpi thei lo, Van lam thuh  mi manna ka sar suak e.      Eden sangka mawi an awng zo; Hnam tin, ṭong tin kan zalen e; Pathian pakhat, rinnak hmun khat; Baptisma pakhat cotu kan si. Kan rawl tak cu Jesuh Khrih, a thiisen le a taksa; Ei le into kan si thlarau rawl, Jerusalem a ṭul lo, Gerizim kan ngai cuang lo; Kan taksa ruangpi cu Pathian biak inn. Kan Lantak puai Tuufa no, sual sungin kan zalennak; Thihnak nehih thosal in hruaitu, In hruai ding, in hruai sin hruaitu, A vorhlam a kut neem te'n, Van Kanan kan thleng ding, mi thiang lennak.